RSS

Paribasan ( A – D )

Tuladha Basa Rinengga

Paribasan, Bebasan lan salokan ( A – D )

 

Adhang – adhang tetesing embun

( Njagakake barang mung sakoleh-elehe wae )

( Mengharapkan seadanya )

Adigang adigung adiguna

( Wong kang ngendelake, dupeh rasa, gedhe, lan pinter )

( Orang yang mengandalkan, tinggi hati, kebesaran, dan kepintaran )

Aji godhong garing

( Barang kang ora nduwe aji babar blas )

( Sesuatu yang tiada manfaatnya untuk yang lain )

Ana dhaulate ora ana bejane

( Rumangsa arep oleh kabegjan, nanging ndelalah ora oleh )

( Mengharap mendapatkan sesuatu, akan tetapi tidak jadi )

Anak polah bapak kepradah

( Kabeh polahing atine anak, wong tuwa sing kajibah )

( Semua tingkah polah anak, orang tua yang menanggungnya )

Ancik – ancik pucuking ri

( Wong kang Tansah sumelang yen keluputan )

( Orang yang mempunyai rasa was-was, takut akan kesalahan )

Anggenthong umos

( Wong kang ora bisa nyimpen wewadi )

( Orang yang tidak bisa menyimpan rahasia )

Anggutuk lor kena kidul

( Ngangkah marang sawijining wong, katibakake marang wong liya )

( Mengharap kepada salah satu orang , tetapi malah orang lain yang kena )

Angon ulat ngumbar tangan

Ngulati seng duwe, yen kalimpe banjur dijupuk ( di colong )

( Baik di depan yang punya, jika yang punya lengah terus di ambil / dicuri )

Arep jamure emoh matange

Gelem kepenake, emoh rekasane

( Mau nikmatnya, tidak mau sengsaranya )

Asu arebut balung

Rebutan barang kang sepele

( Berebut barang sepele )

Bathang lelaku

Wong siji lelungan adoh, ngambah dalan kang mutawatiri

( Satu orang pergi jauh,  menyusuri jalan yang mengkhawatirkan )

Bathok bolu isi madu

Wong asor, nanging nduwe kepinteran

( Orang kecil tetapi mempunyai kepintaran )

Becik ketitik ala ketara

Wong kang becik/apik bakal ketitik, wong kang ala bakal ketara

( Orang yang berbuat baik akan terlihat, orang yang berbuat jelek akan ketahuan )

Belo melu seton

Wong kang melu-melu ( anut grubyuk ) thok, ewadene dheweke ora ngerti apa karepe.

( Orang yang hanya ikut-ikutan saja, tidak tau dasarnya )

Beras wutah arang mulih marang takere

Samubarang kang uwes uwah arang pulih kaya asale

( sesuatu yang sudah berubah dari aslinya, jarang yang bisa kembali seperti sedia kala )

Blaba wuda

Saking lomane, awake dhewe ora keduman

( Begitu dermawanya, sehingga dirinya sendiri tidak kebagian )

Blilu tau, pinter durung nglakoni

Wong bodho nanging kerep nglakoni dadi luwih pinter tinimbang wong pinter ananging durung tau nglakoni

( Orang bodoh yang sering melakukan, bisa lebih pintar dari pada orang pintar yang belum pernah melakukan )

Bung pring patung

Bocah kang longgan ( gelis gedhe )

( Anak yang cepat besar / bongsor )

Buntel kadut, ora kinang ora udud

Wong nyambut gawe biringan, ora oleh mangan lan ora oleh rokok

( Orang kerja bhakti, tidak mendapat makanan dan rokok )

Busuk ketekuk, pinter keblinger

Sing bodo lan sing pinter pada nemahi cilaka

( Yang bodoh dan yang pintar sama-sama celaka )

Mbuwang tilas

Nutupi patrape, etok – ethok nyambut gawe liya

( Menutupi yang seharusnya, pura-pura bekerja lain )

Cebol nggayuh lintang

Nduwe kekarepan seng duwur banget mula ora bisa kelakon

( Mempunyai permintaan yang terlalu tinggi, sehingga tidak tercapai )

Cebol nggayuh langit

Nduwe kekarepan sing mokal kelakon

( Mempunyai angan-angan yang tidak mungkin tercapai )

Cecak nguntal cagak

Wong kang nduwe kekarepan kang tengeh kelakon

( Orang yang mempunyai keinginan yang tidak mungkin terjadi )

Cedak kebo gupak

Cedak wong kang nglakoni ( tumindak ) ala, mesti katut ala

( Dekat dengan orang perbuatanya tidak baik, pasti ikut berbuat tidak baik )

Cincing – cincing meksa klebus

Rekane arep ngirid, ananging wekasane meksa entek akeh

( Awalnya ingin irit, tetepi akhirnya malah habis banyak )

Ciri wanci, lelai ginawa mati

Pakulinan kang ala ora bisa di mareni yen durung mati

( Kebiasaan buruk tidak bisa di hentikan sebelum dia mati )

Criwis cawis

Diprentah madoni, ananging wekasane tumindak tenan

( Diperintah selalu membantah, tetapi akhirnya dilaksanakan juga )

Cuplak andheng – andheng ora prenah panggonane

Wong seng njalari ala, becike disingkirake

( Biang keonaran, baiknya di singkirkan )

Dhandang di unekake kuntul, kuntul di unekake dhandang

Ala diceritakake apik, seng apik diceritakake ala

( Jelek di katakana baik, yang baik dikatakan jelek )

Dhawen ati open

Nacat, nanging panacade marga nduweni melik

( Mengkritik, akan tetapi kritikanya karena syirik )

Dhemit ora ndulet setan ora doyan

Wong kang tansah slamet, ora ana seng bisa ngganggu

( Orang yang selalu aman, tidak ada yang mengganggu )

Didhadunga medot, dipalangana mlumpat

Wong kang wes kenceng kekarepane, ora bisa di penggak

( Orang yang sudah bulat tekadnya, tidak bisa di halang-halangi lagi )

Dikena iwake, aja nganti butek banyune

Bisaa kaleksanan karepe, ananging aja nganti gawe gendra

( Bisa terlaksana niatnya, tanpa membuat keonaran )

Padosi Paribasan kanthi lantaran : 
( A - D ) ( D - K ) ( K - L ) ( M - R ) ( S - Y )
Sumber :
Buku Sesorah " Pranatacara Tuwin pamedhar Sabda "
Sri Hono Murwatono

DjawaDwipa

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: